Hinang Niya kaw daing ha pag Lasa, Piyakila Niya hisiyu Siya ha supaya magbalik kaw Lumasa

Taymanghud ku purul malanuh in kariyasali sin pangatayan
Amu hadja pasal sin kangian natuh in yan kyatamakan
Sunaun namuh kaw lapay in ginhawa
In kamatay yan da ha lawang bay way pagduwaruwa

Kyaluggum mu in jantung mu yan ha lummih sin Dunya
Limalantap na ha bayhuh mu in ngih sin dusa
Lundang panun namuh in yan hudhura tuyuan
Ha way pa kyatumbukan in jantung mu sin Tuhan kakasihan

Mataud makaliling sin zahir mu taymanghud
Sah tumtuma in batin mu hambuuk da in makaatud
In iyaangut ta ini lumanuh in pangatayan
Sabab taymanghud ku in bunnal umbulsatu kakasihan sin Tuhan

In ini bang mu hadja bassahun hampa dih ammalan
Tantuh tuud ha Qiyamat ha laum kaw kasusunan
Dihilan niya kaw waktu, kusug iban balkaya pamaranan
Hatih byaun dih mu sab siya angutun Kilahun iban Kakasihan

Hampati marayaw in suwara
Kattu kaw agad ha mga Murshid awliya sin Allah
Pagsali-a in mga laku-tabiat iban adab sin sila
Sud kaw palaum kalapnasan sin paglasa kanila